嚟咗英國一段時間，收到唔少家長問關於雙語嘅問題。 話說小朋友係喺香港出世，好細個就過嚟英國，而本身喺屋企係用廣東話教小朋友同溝通，雖然小朋友返學用英文，但係小朋友好似用廣東話易啲溝通。而學校老師就會話小朋友跟唔到課堂、表達唔到、聽唔明指令，好似有啲學習問題。 如果家長發現小朋友真係有呢個問題，就要開始下啲功夫啦。 可以試下每日用15-30分鐘製造一個全英文嘅環境俾小朋友，例如讀圖卡、聽英文歌、講簡單英文故事。另外亦都可以教下學校常用嘅英文指令，例如”raise your hand”或者 “line up”等等。 日常生活多啲教佢哋用英文表達所需，單字開始都無問題㗎！一開始只需要學習簡單嘅英文，等小朋友可以用一兩個字就對答到。如果佢講廣東話，家長就即刻教埋英文，咁樣係最快令小朋友可以喺學校表達，令其他人明白佢哋想要咩先，減少「攞唔到」嘅脾氣。 不過要小朋友感覺良好，先可以學得更快，所以家長唔可以迫得太勁，如果唔係佢哋有可能連廣東話都唔肯講嘅時候，咁樣就會更多行為問題啦！ 語言表達用理解好咗，情緒同社交都會有幫助㗎！ . . . #教學點滴 #雙語

問題： “我小朋友可以由1數到100，但係佢連1至10嘅數量都不識，問佢有幾多個，佢就又由頭數。” 原因： 數數同數量係兩個教學目標，當中需要加多一個步驟。 建議方法： 當你教數量嘅時候，可以同小朋友一齊數，數完就即刻講埋數目+量詞。 例如 -...

想同大家分享一件感動嘅事。 我有一個輕度自閉症嘅學生，每堂除咗原本嘅訓練活動之外，都會用15分鐘彈琴。 開初用嘅樂譜係利用顏色代替黑色音符，到用普通琴書學習。當中假如有琴譜有任何新嘅元素要學，佢都會覺得好大壓力，我可以做嘅係不斷讚賞同鼓勵令他去面對同克服。...

問題：點解阿仔明明識講嘢，但係成日淨係手指指，到我問佢要咩，佢又會即刻識答？ 原因：有自閉症的小朋友有時會習慣咗跟指令，所以有機會以為要等到聽到個問題先答，變相「問題」=刺激物 (antecedent)，唔識自己表達。 建議方法：其實小朋友想要嘅嗰樣嘢就係一個刺激物，如果想...