【教學點滴】 - A lot goes wrong before everything goes right
好認同呢句說話。 學習就係咁樣，完美之前，都係先由無數次嘅錯誤開始。 家長要記住，當你教小朋友新嘢嘅時候，首先要佢哋完成，小朋友做錯咗唔緊要，但係一定要用啱方法去教，等佢哋習慣咗完成之後，先再慢慢完美。 . . . #ALotGoesWrongBeforeEverythingGoesRight #先完成後完美 #教學點滴 #雙語 #語言遲緩 #Sale #Altrincham #Warrington #Leigh #英國 #UnitedKingdom #曼城 #Manchester #融合教育 #特殊學校 #行為分析 #讀寫困難 #教仔 #讀寫障礙 #黃金期 #自閉症 #特殊教育講座 #特殊教育培訓 #Dyslexia #Autism #SpecialEducationalNeeds #ABA #BehavioralTraining #TrainTheTrainer #SEN #MusicStimulation #ViennaHacademy
【開心分享】~ 緣份
呢位家長幾年前喺香港已經問過上堂嘅資料，但係之後佢哋好快就移民咗去英國啦。 仔仔音樂感好強，不過就搵唔到一個可以教佢彈琴嘅老師。 我哋喺香港夾唔到，但係居然喺曼城夾到喎，呢啲就叫緣份啦！ 上堂除咗教仔仔彈琴，我會同佢做埋語言同情緒嘅訓練，有時間仲會一齊作下簡單嘅歌添！ 多謝家長由香港一直支持到英國，我哋一齊加油！ . . . #開心分享 #緣份 #自閉症 #Sale #Altrincham #Warrington #Leigh #英國 #UnitedKingdom #曼城 #Manchester #行為分析 #黃金期 #自閉症 #讀寫困難 #教仔 #讀寫障礙 #Dyslexia #Autism #SpecialEducationalNeeds #ABA #BehavioralTraining #TrainTheTrainer #SEN #MusicStimulation #ViennaHacademy
【開心分享】~ 英國家長
佢係我喺英國第一個學生，多謝家長嘅心意卡同信任！好感動！ 小朋友由一開始喊住入嚟 (因為想爸爸留低)，然後媽咪一步一步咁抽離，到可以自己獨自上堂；由只係可以講出單字，到可以用簡單廣東話同英文句子表達，呢啲進步都係因為父母堅持每星期揸30分鐘車嚟上堂！ 喺香港遇到已經唔容易，更何況係喺英國一個咁大嘅地方呢 我都好開心可以將音樂嘅威力帶俾呢度嘅小朋友同埋家長，繼續用生命影響生命！ . . . #開心分享 #英國家長 #生命影響生命 #Sale #Altrincham #Warrington #Leigh #英國 #UnitedKingdom #曼城 #Manchester #行為分析 #黃金期 #自閉症 #讀寫困難 #教仔 #讀寫障礙 #Dyslexia #Autism #SpecialEducationalNeeds #ABA #BehavioralTraining #TrainTheTrainer #SEN #MusicStimulation #ViennaHacademy
【教學點滴】 - 雙語
嚟咗英國一段時間，收到唔少家長問關於雙語嘅問題。 話說小朋友係喺香港出世，好細個就過嚟英國，而本身喺屋企係用廣東話教小朋友同溝通，雖然小朋友返學用英文，但係小朋友好似用廣東話易啲溝通。而學校老師就會話小朋友跟唔到課堂、表達唔到、聽唔明指令，好似有啲學習問題。 如果家長發現小朋友真係有呢個問題，就要開始下啲功夫啦。 可以試下每日用15-30分鐘製造一個全英文嘅環境俾小朋友，例如讀圖卡、聽英文歌、講簡單英文故事。另外亦都可以教下學校常用嘅英文指令，例如”raise your hand”或者 “line up”等等。 日常生活多啲教佢哋用英文表達所需，單字開始都無問題㗎！一開始只需要學習簡單嘅英文，等小朋友可以用一兩個字就對答到。如果佢講廣東話，家長就即刻教埋英文，咁樣係最快令小朋友可以喺學校表達，令其他人明白佢哋想要咩先，減少「攞唔到」嘅脾氣。 不過要小朋友感覺良好，先可以學得更快，所以家長唔可以迫得太勁，如果唔係佢哋有可能連廣東話都唔肯講嘅時候，咁樣就會更多行為問題啦！ 語言表達用理解好咗，情緒同社交都會有幫助㗎！ . . . #教學點滴 #雙語
