【開心分享】～ 音樂小朋友
多謝家長嘅 Thank you 卡！ 呢位 4 歲半嘅小朋友原本對好多嘢都無興趣，唯獨對音樂（同埋車）情有獨鍾。佢對聲音極度敏感，專注力都比較弱，不過一有音樂，佢就會好專心、坐得好定。睇住佢嘅變化，每一堂我都教得好開心 用啱方法，一步一步咁教，小朋友由當初得有限嘅詞彙，到而家可以講到簡單句子 由唔識模仿，到可以喺學校聖誕聯歡會同同學一齊企定定表演 呢啲成果都真係唔少得家長嘅努力同信任！ 雖然說話同理解都未到同齡小朋友嘅能力，但係唔緊要㗎，只要小朋友繼續願意講、願意嘗試就可以啦！先完成後完美 加油！ . . . #開心分享 # 英國家長 #Sale #Altrincham #Warrington #Leigh #英國 #UnitedKingdom #曼城 #Manchester #行為分析 #黃金期 #自閉症 #讀寫困難 #教仔 #讀寫障礙 #Dyslexia #Autism #SpecialEducationalNeeds #ABA #BehavioralTraining #TrainT
【教學點滴】 - 給英國正在努力中的SEN 家長們
嚟英國，好多人係為咗俾孩子更好嘅教育環境。但對 SEN 家庭嚟講，呢條路往往比想像中更崎嶇。 喺呢個新嘅環境，面對陌生嘅教育同醫療體系 (如 EHCP 申請流程)，加上語言挑戰，好多家長都會感到前所未有嘅壓力。 英國 SEN 支援真係足夠？現實可能係：漫長等待嘅評估、睇唔明嘅報告、唔知道應該點配合學校嘅無助感。 除咗教導 SEN 小朋友，我都非常關注「家長教育」同埋「情緒支援」嘅重要性。因為喺英國呢個體系之下，孩子進步嘅前提，係家長都要先站穩陣腳。 如果你覺得心累、有無力感，或者喺支援路上遇到樽頸位，想搵個明白嘅人傾下，歡迎隨時 DM 我。 大家一齊加油！ . . . #移英港人 #香港家長在英國 #EHCP #SEN支援 #教學點滴 #雙語 #語言遲緩 #Sale #Altrincham #Warrington #Leigh #英國 #UnitedKingdom #曼城 #Manchester #融合教育 #特殊學校 #行為分析 #讀寫困難 #教仔 #讀寫障礙 #黃金期 #自閉症 #特殊教育講座 #特殊教育培
【開心分享】~ 英國家長
佢係我喺英國第一個學生，多謝家長嘅心意卡同信任！好感動！ 小朋友由一開始喊住入嚟 (因為想爸爸留低)，然後媽咪一步一步咁抽離，到可以自己獨自上堂；由只係可以講出單字，到可以用簡單廣東話同英文句子表達，呢啲進步都係因為父母堅持每星期揸30分鐘車嚟上堂！ 喺香港遇到已經唔容易，更何況係喺英國一個咁大嘅地方呢 我都好開心可以將音樂嘅威力帶俾呢度嘅小朋友同埋家長，繼續用生命影響生命！ . . . #開心分享 #英國家長 #生命影響生命 #Sale #Altrincham #Warrington #Leigh #英國 #UnitedKingdom #曼城 #Manchester #行為分析 #黃金期 #自閉症 #讀寫困難 #教仔 #讀寫障礙 #Dyslexia #Autism #SpecialEducationalNeeds #ABA #BehavioralTraining #TrainTheTrainer #SEN #MusicStimulation #ViennaHacademy
【教學點滴】- 讚賞及鼓勵
想同大家分享一件感動嘅事。 我有一個輕度自閉症嘅學生，每堂除咗原本嘅訓練活動之外，都會用15分鐘彈琴。 開初用嘅樂譜係利用顏色代替黑色音符，到用普通琴書學習。當中假如有琴譜有任何新嘅元素要學，佢都會覺得好大壓力，我可以做嘅係不斷讚賞同鼓勵令他去面對同克服。...
