多謝家長嘅 Thank you 卡！ 呢位 4 歲半嘅小朋友原本對好多嘢都無興趣，唯獨對音樂（同埋車）情有獨鍾。佢對聲音極度敏感，專注力都比較弱，不過一有音樂，佢就會好專心、坐得好定。睇住佢嘅變化，每一堂我都教得好開心 用啱方法，一步一步咁教，小朋友由當初得有限嘅詞彙，到而家可以講到簡單句子 由唔識模仿，到可以喺學校聖誕聯歡會同同學一齊企定定表演 呢啲成果都真係唔少得家長嘅努力同信任！ 雖然說話同理解都未到同齡小朋友嘅能力，但係唔緊要㗎，只要小朋友繼續願意講、願意嘗試就可以啦！先完成後完美 加油！ . . . #開心分享 # 英國家長 #Sale #Altrincham #Warrington #Leigh #英國 #UnitedKingdom #曼城 #Manchester #行為分析 #黃金期 #自閉症 #讀寫困難 #教仔 #讀寫障礙 #Dyslexia #Autism #SpecialEducationalNeeds #ABA #BehavioralTraining #TrainT

尋日順利同一個可愛嘅香港小朋友，完成一節單對單嘅線上課程！ 雖然課堂時間短，但小朋友同家長都全程投入！ 音樂真係好快吸引到小朋友嘅注意，當音樂一停，小朋友就知要「乖乖坐好」。 佢真係可以秒速坐返好，又跟住一齊做動作喎，超叻呀！ 對於有特殊學習需要嘅小朋友嚟講，網課真係唔容易。不過小朋友喺家長嘅提示下，都表現得好好啦，真係好感動！ 多謝家長信任，期待下星期再見！ . . . # #線上訓練 #香港 #網上課程 #3歲學琴 #音樂啟蒙 #全腦發展 #Sale #Altrincham #Warrington #Leigh #英國 #UnitedKingdom #曼城 #Manchester #行為分析 #黃金期 #自閉症 #讀寫困難 #教仔 #讀寫障礙 #Dyslexia #Autism #SpecialEducationalNeeds #ABA #BehavioralTraining #TrainTheTrainer #SEN #MusicStimulation #Vie

呢位家長幾年前喺香港已經問過上堂嘅資料，但係之後佢哋好快就移民咗去英國啦。 仔仔音樂感好強，不過就搵唔到一個可以教佢彈琴嘅老師。 我哋喺香港夾唔到，但係居然喺曼城夾到喎，呢啲就叫緣份啦！ 上堂除咗教仔仔彈琴，我會同佢做埋語言同情緒嘅訓練，有時間仲會一齊作下簡單嘅歌添！ 多謝家長由香港一直支持到英國，我哋一齊加油！ . . . #開心分享 #緣份 #自閉症 #Sale #Altrincham #Warrington #Leigh #英國 #UnitedKingdom #曼城 #Manchester #行為分析 #黃金期 #自閉症 #讀寫困難 #教仔 #讀寫障礙 #Dyslexia #Autism #SpecialEducationalNeeds #ABA #BehavioralTraining #TrainTheTrainer #SEN #MusicStimulation #ViennaHacademy

嚟咗英國一段時間，收到唔少家長問關於雙語嘅問題。 話說小朋友係喺香港出世，好細個就過嚟英國，而本身喺屋企係用廣東話教小朋友同溝通，雖然小朋友返學用英文，但係小朋友好似用廣東話易啲溝通。而學校老師就會話小朋友跟唔到課堂、表達唔到、聽唔明指令，好似有啲學習問題。 如果家長發現小朋友真係有呢個問題，就要開始下啲功夫啦。 可以試下每日用15-30分鐘製造一個全英文嘅環境俾小朋友，例如讀圖卡、聽英文歌、講簡單英文故事。另外亦都可以教下學校常用嘅英文指令，例如”raise your hand”或者 “line up”等等。 日常生活多啲教佢哋用英文表達所需，單字開始都無問題㗎！一開始只需要學習簡單嘅英文，等小朋友可以用一兩個字就對答到。如果佢講廣東話，家長就即刻教埋英文，咁樣係最快令小朋友可以喺學校表達，令其他人明白佢哋想要咩先，減少「攞唔到」嘅脾氣。 不過要小朋友感覺良好，先可以學得更快，所以家長唔可以迫得太勁，如果唔係佢哋有可能連廣東話都唔肯講嘅時候，咁樣就會更多行為問題啦！ 語言表達用理解好咗，情緒同社交都會有幫助㗎！ . . . #教學點滴 #雙語