【教學點滴】 - 燒味vs燒賣
有一天，媽媽帶仔仔放學返屋企途中經過間便利店。 👦🏻：我想食燒味。 👩🏻：吓！你都唔鍾意食燒味。(跟住就拖仔仔繼續行) 👦🏻(大聲叫)：我要食燒味！我要食燒味！ 👩🏻：你究竟想食咩呀？ 👦🏻拖著入便利店指住話：我要食燒味！我要食燒味！ 👩🏻：哦！原來你係想食燒賣呀！哈哈哈哈！ 點解會有呢個誤會呢？ 其實因為可能呢幾個原因： 1. 仔仔將「燒味」同「燒賣」 呢兩種食物混淆 ~ 認知 2. 仔仔將「味」同「賣」呢兩個音混淆 ~ 聲音接收、分辨同處理 3. 仔仔未能發出「賣」呢個音 ~ 發音 廣東話比普通話同英語複雜啲，因為最少都有六聲，有時自閉症、語言障礙或者有讀寫障礙嘅人會好容易聽錯或講錯，家長要多啲留意係因爲咩原因而混淆，唔好話錯佢咃，知道之後就慢慢教返啱就可以啦！ . . . #教學點滴 #燒味 #燒賣 #Sale #Altrincham #Warrington #Leigh #英國 #UnitedKingdom #曼城 #Manchester #融合教育 #特殊學校 #行為分析 #讀寫困難 #教仔
【教學點滴】- 讚賞及鼓勵
想同大家分享一件感動嘅事。 我有一個輕度自閉症嘅學生，每堂除咗原本嘅訓練活動之外，都會用15分鐘彈琴。 開初用嘅樂譜係利用顏色代替黑色音符，到用普通琴書學習。當中假如有琴譜有任何新嘅元素要學，佢都會覺得好大壓力，我可以做嘅係不斷讚賞同鼓勵令他去面對同克服。...
【教學點滴】~ 啟蒙老師
以前好少諗自己喺家長心目中嘅角色。但係回想返，有好多家長都曾經同我講，我哋係小朋友嘅啟蒙老師，好感恩遇到我哋。🫶🏻🥹 其實可以遇到一個好老師真係唔容易。 做教育嘅，技巧唔係最重要，最重要係有心，同埋知道自己做緊咩。❤️...
【教學點滴】~ 創意
有一次有個10歲學生上完堂，喺VH等媽媽嘅時候，我見佢等咗咁耐就俾啲積木佢砌下。 佢係一個中度智障加有自閉症譜系嘅小朋友，間中都只係會用單字溝通。💬 佢4歲就同我上堂，平時上堂都好少同佢用唔係音樂嘅教具，所以嗰日佢自己喺度砌，我過咗一陣望下佢，見到佢砌咗呢幾個製成品出嚟我...
