嚟咗英國一段時間，收到唔少家長問關於雙語嘅問題。 話說小朋友係喺香港出世，好細個就過嚟英國，而本身喺屋企係用廣東話教小朋友同溝通，雖然小朋友返學用英文，但係小朋友好似用廣東話易啲溝通。而學校老師就會話小朋友跟唔到課堂、表達唔到、聽唔明指令，好似有啲學習問題。 如果家長發現小朋友真係有呢個問題，就要開始下啲功夫啦。 可以試下每日用15-30分鐘製造一個全英文嘅環境俾小朋友，例如讀圖卡、聽英文歌、講簡單英文故事。另外亦都可以教下學校常用嘅英文指令，例如”raise your hand”或者 “line up”等等。 日常生活多啲教佢哋用英文表達所需，單字開始都無問題㗎！一開始只需要學習簡單嘅英文，等小朋友可以用一兩個字就對答到。如果佢講廣東話，家長就即刻教埋英文，咁樣係最快令小朋友可以喺學校表達，令其他人明白佢哋想要咩先，減少「攞唔到」嘅脾氣。 不過要小朋友感覺良好，先可以學得更快，所以家長唔可以迫得太勁，如果唔係佢哋有可能連廣東話都唔肯講嘅時候，咁樣就會更多行為問題啦！ 語言表達用理解好咗，情緒同社交都會有幫助㗎！ . . . #教學點滴 #雙語

🎵 各位家長同老師你哋好！ 🎵 如果你哋都想學習點樣可以用有效嘅方法，同有系統咁教你哋嘅小朋友，提升佢哋語言能力、認知發展、大小肌肉協調、社交技巧同行為問題處理，呢個課程就啱晒你哋啦。👩🏻👨🏻👩🏻‍🦱👨🏻‍🦱 課程：【家長家居訓練課程】 對象：家中有或者教2-10歲小朋友嘅家長同老師 型式：面授 內容: ~ 講解 ABA 及行為訓練技巧 ~ 簡單講解、示範、練習如何利用音樂+ABA訓練及提升: i) 基本學習; ii) 語言能力; iii) 認知能力; iv) 肌能協調; v) 社交能力 ~ 怎樣處理行為及情緒問題 ~ 小朋友個案分析, Q&A 有興趣歡迎 PM 我查詢 🤙🏻 . . . #Train TheTrainer #家長教育 #Sale #Altrincham #Warrington #Leigh #英國 #UnitedKingdom #曼城 #Manchester #融合教育 #特殊學校 #行為分析 #讀寫困難 #教仔 #讀寫障礙 #自閉症 #特殊教育講座 #特殊教育培訓 #Dy

每個小朋友都有佢自己獨特嘅長處，經過好嘅指導，就可以盡情發展。👍👍 學習係可以有無限遠，所以我哋應該力求不斷進步，而唔係只追求最好！⬆️⬆️⬆️ 我有個學生，雖然細個唔係好同人講野，亦都唔係好望人。但係佢音樂好叻，慢慢學慢慢練，最後仲考埋8級琴，喺學校畢業典禮好有自信咁表演鋼琴。👨🏻‍🎓❤️ 所以大家要細心啲留意下自己嘅小朋友，俾多啲唔同嘅刺激同體驗佢哋，發掘下佢嘅嘅長處啦！ . . . #教學點滴 #Do ntAimForTheBest #AimToKeepGettingBetter #Sale #Altrincham #Warrington #Leigh #英國 #UnitedKingdom #曼城 #Manchester #融合教育 #特殊學校 #行為分析 #讀寫困難 #教仔 #讀寫障礙 #黃金期 #自閉症 #特殊教育講座 #特殊教育培訓 #Dyslexia #Autism #SpecialEducationalNeeds #ABA #BehavioralTraining #TrainTheT

有一天，媽媽帶仔仔放學返屋企途中經過間便利店。 👦🏻：我想食燒味。 👩🏻：吓！你都唔鍾意食燒味。(跟住就拖仔仔繼續行) 👦🏻(大聲叫)：我要食燒味！我要食燒味！ 👩🏻：你究竟想食咩呀？ 👦🏻拖著入便利店指住話：我要食燒味！我要食燒味！ 👩🏻：哦！原來你係想食燒賣呀！哈哈哈哈！ 點解會有呢個誤會呢？ 其實因為可能呢幾個原因： 1. 仔仔將「燒味」同「燒賣」 呢兩種食物混淆 ~ 認知 2. 仔仔將「味」同「賣」呢兩個音混淆 ~ 聲音接收、分辨同處理 3. 仔仔未能發出「賣」呢個音 ~ 發音 廣東話比普通話同英語複雜啲，因為最少都有六聲，有時自閉症、語言障礙或者有讀寫障礙嘅人會好容易聽錯或講錯，家長要多啲留意係因爲咩原因而混淆，唔好話錯佢咃，知道之後就慢慢教返啱就可以啦！ . . . #教學點滴 #燒味 #燒賣 #Sale #Altrincham #Warrington #Leigh #英國 #UnitedKingdom #曼城 #Manchester #融合教育 #特殊學校 #行為分析 #讀寫困難 #教仔